LA PRIMMA VIOLA


Un cel polí cme 'n spec. Un sol smagliant.
Quasi tuta la neva la sn'é andeda:
A l'ombazen soltant s'vedda, ogni tant,
Sparpáieda pr'al verd, quelca boleda. 
Il pianti, il sezi, carghi d'botonsen,
It dizen che l'inveren al s'né anduve
E che la primavera ormei la ven
A der 'na man d'color ai camp e ai pré.
Int un arzen, ch'as vedda da ca mia,
J o caté propia incó la primma viola
Nascosta adré la soca 'd na gazia,
Infat incó l'é 'l giorn ad la Seriola.