Cunplimént d un'anvåuda ala nòna

Quant êni? Utanta? 
On d pió? Brèva, evîva! 
I én trûp? Côsa cånta?! 
bendàtt chi i arîva! 
Quand ónna é in sverzûra, 
cómm té t î stasîra, 
ah, lâsa ch'la dûra! 
acsé s vîv vluntîra! 
Che fâza, t è, nòna! 
l'é bèla, l'é frassca... 
La mî?! Ah, stá bôna! 
la m pèr... una rassca! 
Se in tèsta t î bianca, 
se un pôc t è la gòba, 
qué adès an i manca 
per té la tô ròba... 
Só crûvet la tèsta, 
mî bèla vciarlénna: 
col siâl dala fèsta, 
t am pèr na zuvnénna! 
La "brótta vciarlâza", 
dît té, a sån mé... 
mo té, cun cla fâza! 
l'anvåuda t i té!