Gaetano Marchetti: autåur d una batarî ed trî lîber såura i môd ed dîr dal bulgnais e di quâter lîber ed racónt ch'i in fan l ónnic scritåur ed pròsa bulgnaisa, Marchetti, ciamè "L umarén dal pàvver" al fà anc di vêrs bulgnîs ed rigésster còmic e caricaturèl, anc quíssti vgnó fòra in pió d un vulómm.

Autore di una serie di tre libri sui modi di dire del bolognese e di quattro con racconti che ne fanno l'unico scrittore bolognese in prosa, Marchetti, detto "L'umarén dal pàvver" scrive anche versi in bolognese di tono comico e caricaturale, anche questi pubblicati in piú volumi.


Historia magistra vitae 

Pirén, mî anvåud, a l ò incuntrè par strè
ch'al vgnêva dala scôla, e al fà: "Incû
al masstr al s à spieghè a nó ragazû
Napoleån e äl guèr di sû suldè.

L à détt ch'l é nèd in Còrsica, ch'l é andè
pó a Parîgi a rånper i subîu;
pó al vôls fèr guèra a tótt, tant che anc incû
i n an pén l'ânma; e pó al s é maridè

con la Iusfénna e dåpp, con tant unåur,
davanti a tótt al månnd e ai sû parént
al s é vló incurunèr inperatåur".

"Quî lé" a fâg mé "i én òmen pén d talént!"
E ló al fà: "Mo a mé, dl inperatåur
Napoleån, m n in frêga pròpi gnént!"