La sidra na hestoria El orixen de la pallabra sidra o sidre, vien del griegu Sikera.De ahí pasa al llatin comu sicera. Dempues n'asturianu empezarase a pronunciar sidsra y a la fin llamase guei sidra. Son gran numberu de documentos a lo llargu la hestoria que nomen sidra y pumaraes y equi recueyu dalgunos pa facenos una idea de la importancia que la sidra tien na hestoria asturian. Creese ya que lo llamaó por ESTRAGON ( añu 60 A.X. ) el "zytho" pudiera ser ya la sidra:"...los astures beben sidra,vino tienen pocu...", y asina afitenlo hestoriadores de renome anguañu. Asina comu Plinio (23-79 D.X.) nomando el vinu de mazana que diz ye "la bebida tipica del territorio"... El 25 de Payares del 781 nel acta de fundación del monasteriu San Vicente (que dió orixen a la ciudá d'Uvieu) nomense pumaraes que acompañen a dicha fundación). Nos testamentos de Fakilo (793) , asina comu'l testamentu del Obispu de Braga (863) faese referencia a delles pumaraes n'Asturies qu'estos donen. Ya nos sieglos VIII ya IX son numberosísimos dellos documentos que nomen sidra ya pumares. El 26 de Mayu del 950 Nonnina con facienda na villa de Pandu dona esta, a cambiu d'una capa, una manta, granos,sidra y carne. Una fia bastarda d'Alfonsu VII manda por motivu d'un aniversariu proporcionese a los canonigos d'Uvieu (ente otres coses) sidra abondo. Nos sieglos XII y XIII ye la esplotación del mazanu la mayor riqueza arboricora d'Asturies. Demientres na edá moderna non se consume muncha sidre (nun se cultivaben malpenes pumaraes, yá que la escasez d'alimentos yera enorme ya yeren otros los semaos necesarios pa la supervivencia les xentes), ésta si ta presente nes folixes cellebraes nesos años a lo llargo la xeografia astur. Nel 1622 Lluis de Valdes (Aviles) escribe:...."Faese muncha sidra de mazana y hai home que fae cien pipes de sidra, qu'en Castiella llamen vinu de mazanos y cada pipa fae cerca de cuarenta cantares, cada cantara ochu azumbres.Val esta sidra a 16 maravedis l'azumbre.Una ye dulce comu la miel, otra tira a vinu y dalgunos nun sienten con ella la falta'l vinu. Nel añu 1635 el P. Maestru Gil González Dávila escribe nel so Teatru eclesiásticu de la Santa Ilesia d'Uvieu: ....Abunda de peres, mazanes, de que faese la sidra.... Nel sieglu XVIII el consumu dispárase gracies al resurdimientu l'economia astur (non escaezamos que la sidra ye una bebida pal esparcimientu y esti ta lligau por siempre al desarrollu economicu d'un pais). Sirva comu exemplu la quinta carta de Xovellanos (1744-1811) alcontrada recientemente nel puntu 33 diz: "...tal es la manzana de que se hace excelente sidra..." Pallaciu Valdes (1853-1938) diz:..."con las manzanas en un monton habia que esperar para que se asentaran mientras se limpiaba el llagar,se revisaban prensa, huso, toneles y barricas para pisarlas y comenzar la fabricacion de la sidra..." Yá nel sieglu XX el consumu afiánzase. El preciu venta nel llagar nel 1927 ye de 0,25 centimos y nel chigre de 0,50 (Parecio a guei):-)) Dempúes de la Guerra civil (1936-1939) y comu'l reximen franquista ta a la contra too lo autoctono'l consumu desciende darreu (Llegose a temer pola continuidá de la bebida). Nos años 80 vase recuperando'l consumu y medra la recuperación de pumaraes anque entá nel añu 1992 importáronse 4 millones de Kilos de Checoslovaquia. Guei yá esisten festivales y certamenes alredior de la sidra y la mazana, siendo NAVA la capital de la sidra y VILLAVICIOSA la de la mazana. Y mui recientemente destrancó les sos portielles el muséu la sidra en Nava, ú se pue gueyar y prebar to lo pañao n'estes paxines y muncho mas. Na actualidá la sidra produciá y consumía cuasi na so totalidá n'Asturies ye d'unos 35-40 millones de llitros dependiendu l'añu la collecha y el preciu la mazana. Tan llevandose a cabu campañes pa finar cola veceria y llograr mazana del pais tolos años, pa algamar asina la perquerida denominación d'orixe Asina faese la sidra Equi tan los pasos esenciales pa facer la sidra (a grosu mou), de forma artesanal , non comu la faen nos llagares industriales, sinon comu la xente que facia y fae una bona sidra casera. ¿¿ANIMAISVOS?? Enantes de ná, tien que llimpiase enforma tol material a usar, pipes,toneles,llagar,mayos, duernu,etc....Y agora ya mos podemos poner a facer sidre: Lo primeru y esencial ye'l pañau de la mazana. Esta tien que ser pañá nel so debiu tiempu (Ochobre,Payares aprox.) Recoxeremos la cantidá y les clases de mazanes y na proporción adecuá pa facer sidra. Gueya equi los tipos de mazanes y la so proproción: La Gran LLAGARÁ Si la mazana entá ta verde saldranos sidra del sapu. Una vegá pañá escueyense les mazanes podres o bichaes pa desechales.(non se vos ocurra facela con elles):-)) De equi pasase'l duernu aú la mayaremos .Hai que tener gueyu y enllenar el duernu pa non mayar en falsu nin tampocu mayar endemasia pa nun facer la repla.D'equi sal la sidra dulce o del duernu tan rica y tan bona pal intestin:-)). Con esta sidra, zumu, vamos enllenanado los toneles o les pipes. Nel mesmo dí espardese la mayá nel duernu pa dexala que vaya fermentandu. Al otru dí dase'l primer apreton cona masera, equi apareceranos la magaya sobrante pelos llaos, quitaremosla y charemosla enrriba la prensa pa seguir pisandola. Asina varios dies pa dexar que salga'l mostu.A esto llamase: "cortar el llagar".(Ca vegá que quitemos los pesos del llagar y vayamos echando enrriba la magaya sobrante.) Ente qu'esti sal, echarase nes pipes o toneles dexando'l furacu d'estos abiertu pa facilitar la fermentación tumultuosa que ye mui importante na ellaboración de la sidra. En seyes o siete dies de la mayá ye la salida de la llagará dandose por finau la estracción del mostu. Llegaos equi y dacuandu los toneles ten enllenos tapense y dexense fermentar. Los toneles nun deben de cueyer aire polo que rellenaranse les pipes con esta fin. Dempues trasegarase,estu ye,quitarasen los produtos que se xeneren cola fermentación y separaranse de la sidra.El trasiegu faese en dies frios y de Lluna en menguante o sea dies de presión atmosferica alta. A los dos o tres meses de la llagará ya pué prebase pa ver si ta bona. Equi ta la esperá espicha na que los entendios dan la so opinión sobre'l estau del caldu y los no entendios prebenla y tamien la dan:-)). Dempúes de cinco o seyes meses (siempre de la llagará) ya ta llista pa consumir. Entos sacarase la sidra de les pipes s'embotellará y corchara dando'l procesu per finau. Na ellaboración de guei esti procesu ye mas curtiu (controlen la temperatura, pipes y toneles de fibra,produtos quimicos qu'aceleren la fermentación,etc). Asina a grosu moú ye como se fae la sidra natural n'Asturies. Agora bebe-y con tasa, que si nun sois a mexala pue facevos mal nel intestin:-)) Pallabres Espresiones Pallabreru * Alma: Dizse de la sidra que tien alcohol y espalma bien. * Arrancar: Cuandu entama'l procesu de fermentación del mostu nel tonel. * Borra: Son los residuos organicos que queden nel fondu'l tonel al fermentar la sidra. * Calcar: Echar un culu grande nel vasu. * Corchar: Procesu d'embotellar la sidra cuandu ta llista pa ello. * Cortar el llagar:Recortar con pala o palote la magaya que sobresal del llagar. * Cuerpu:Conxuntu de propiedaes organoleptiques y de presencia que faen bona la sidra. * Culete,culin.culu:Cantidá escanciá nel vasu. * Chigre:Artefautu pa descorchar botelles.Tamien ye nel llugar que merquense bebides.Castellanu.Bar * Duernu:Recipiente onde cai el mostu cuandu se prensa. Ye tamien onde mayanse les mazanes. * Escanciar:Arroxar la sidra nel vasu dende una altura pa facilitar la lliberacion del dioxidu de carbonu y asina llograr la maxima esposicion de les cualidaes visuales,olfatives y acustiques d'esta.Daprendi a escanciar y toos los sus secretos en:Asina escanciase * Espicha:Cuña llarga y pequena que ta nel frente'l tonel y que se quita pa dexar que salga la sidra. Tamien ye cuando se tastia un tonel pa gueyar comu ta la sidra nél. Folixa a base de sidra nel llagar * Espalmar:Aparecer burbuxes de CO2 nel vasu al escanciar y desapaecer dempúes. * Estrucipié:Ye la sidra que resulta de estruxar la última masa de la mazana * Ferver:Fermentar nel tonel el mostu pela aiccion de les llevadures. * Filar:Cayer la sidra en chorru sele y continu dacuandu ye escanciá * Gurrullu:Magaya * Llagar:Artefautu mecánicu que ye sofitamente na prensa que al apretala saca-y el zumu a les mazanes. Sitiu ú s'asienta dichu artefautu y ú faese la fermentación,conservación y preba de la sidra.Tamien ú ye consumia.Gueya:Asina escanciase * Llagará:Cantidá de magaya que ye prensá d'una vegá. Tamien ye'l volumen de zumu obteniu nun prensau. * Madre: Mierdes,porqueries de la fermentacion. * Magaya:Masa de pulpa de mazana dispuesta nel llagar pa prensala. * Maldá.:Espuma blanca que al fermentar, el tonel espulsa pela zapa.. * Mayar:Machacar la mazana * Palu:Conxuntu de propiedades organoleptiques que definen y carauterizen la sidra d'un mesmu tonel o conxuntu de sidres iguales d'un mesmu llagar. * Pipa:Tonel non mui grande que tien nel frontal una portiella pa facilitar la llimpieza del mesmo.Enriba ta la zapa per onde respira el mostu y esti espulsa la maldá * Pisar:Mesmo que mayar * Quimica:Cualquier produtu qu`echase na sidra pa modificar la fermentación. * Restallar:Sonar nel borde'l vasu al escanciar * Romper: Abrir un tonel pa catalu o embotellar el so conteniú.Mesmo qu'espichar. * Sapu:Ye la fecha de la mazana caida del árbol enantes madurar * Sidra: Bebida alcoholica obtenía pola fermentación del zumu de la mazana.Ye de color oru y tien aproximaú la mitá de gradución que'l vinu. * Sidreru:Entendiú en sidra o que diz selo. * Tonel:Recipiente pa sidra mayor que la pipa.Failos fasta de 25.000 llitros. * Zapa:Furacu per enrriba'l tonel per onde metese'l mostu y salen los produtos de la fermentación. Espresiones * "A mi gustame":Non se recurre equi a les cualidaes sinon a la nuesa opinión. * "Cai bien": La bebida non produz efeutos negativos(al menos pel momentu). * "Dexase tomar":Indica calidá al menos aparente. * "Entra bien":Bona calidad y bon paladar... * "Pue bebese":Apreciación non mui positiva. * "Pue pasar":Valoración de calidaá media. * "Ta bono":L'expresión dizlo ya toó. * "Ta cantarino" :Dizse cuandu la sidra invita a cantar. * "Ta de piston (o de piston de micu)","Ta pistonuda":La sidra fai restallar la folixa comu restalla un pistón. * "Ta pa da-y": La calidá incitanos a seguir bebiéndola. * "Ye de Bandera": Grau superlativu. * "Ye de restallu". * "Tien bon palu": * "Abre bien":Tien bona espuma.Llibera bien el dioxidu de carbonu. * "Espalma bien":Nin tarda munchu nin pocu.Nin dexa espuma a los llaos. * "Fai bon vasu":Idem. * "Fai revolguinos":Dizse de la sidra que tien muncho dioxidu y produz cosquielles na boca. * "Falta-y (N) tiempu":N ye'l tiempu que-y falta pa que se faiga bona esta sidra. * "Nun ferviò":Nun fermentó bien. * "Nun ta tocá":Nun tien quimica. * "Ta ablanao","ta adelantao":Señal mala calidá * "Ta avinagrao","ta pa lechuga","ta escabechao":Indiquen l'avinagramientu de la sidra * "Ta pa corchar": Dizse de la sidra que ya ta prepará pa corchase. * "Ta volador"," Ye xampán francés":Indica l'excesu de gas y por ello el soniu de achampañamientu al abrila. ¡ Pum!. * "Ye nuevu":Sidra de la ultima collecha. * "Ye sidrina": Que ye sidra floxo. * "Ye del sapu": La que ta fecha coles primeres mazanes y entá mui verdes. * "!!!Pa la fabrica!!!":Ye tan mala que se tien que llevar pa les vinagreres o xampanizaoras. * "Ye de fondones": Dizse asina por que ye tan mala que debe de tar fecha de los sobrantes (fondones) de les botelles. * "Ye de ñisu":Ye tan mala que nun debe ser sidra fecha de mazanes."Ye de piescu": * "Ye puxarra": Ta fecha conos restos la magaya. La borrachera del sidreru. Borrachera,canciana,chume,enfile,mica,micaela,mocu,moña,peu,pimple,tablon,volanta,zuspia. Estes son les fases poles que pasaremos nel chigre cuandu garremos una bona cogorza con sidra (Ta demostrau por dellos especialistes nel tema)...... 1º.- Falase conos camareros del chigre. 2º.- Apoyo nel mostrador y miraes al respetable.Puese tamien acercase a la mesa la partida cartes y da-yos la so opinión o metese na conversación cercana ensin colorase siquiera. 3º.- Glayarase pa pedir mas sidra.Equi va la primera mexá. 4º.-Un cantarin, primeru baxino pa entonar y dempués cantase a pelu ensin acompañamientu musical, búscase equí el reconocimientu xeneral. (nun siempre consiguese). 5º.-Piropos a les muyeres, si les hai. Apreciu a la sidra.Segunda mexá.Nesti puntu ye posible alcontrar les primeres critiques al gobiernu.Primer traspié,segundu eruptu,tercer ¡Guahe,!: ¿Cuantu debo? y cuartu negociu entamau, anque dizse n'Asturies: "Tratos de tabierna,tratos de mierda" 6º.-Exaltacion de los collacios.Eloxiu del alcohol: "Si non fuera que bebemos menos agua, tabamos comu'l ganau" 7º.-Sinos glayaos de machismu: "La muyer y la sarten ena cocina tan bien". Dificultaes pa mantener l'equillibriu y tartamudeu.Cantarinos descompuestos. 8º.-Mordacidá relixiosa o ataque violentu l'equipu futbol contrariu. 9.-Sindrome berron y sentimental: "Que burru soi". 10.-Puxa Asturies.Crisis d'identidá.Pagu definitivu y propina xenerosa.Ultimu canciu nel mediu'l ruedu.Brazos nel altu y eloxios a la concurrencia. .......Y ya na portiella: !!!!MAÑANA MAS, CAGUN MIO MANTO!!!! (Textu orixinal de Eduardu Garcia publicau nel llibru Sidra y mazana n'Asturies editau pola Nueva Espña en castellanu.Torna llibre). Les otres sidres Ya hai años que caltenemos conos Vascos el conflitu alridior de quien foi el primeru ena ellaboración de la sidra na península. Ensín entrar en polémiques esto ye, ensin dulda, el primer esponente de quienes van ser los primeros fabricantes-productores de sidra nel pais. (Asturies y Euskadi).Si bien tantu en sidra natural comu na xampaná Asturies llevase la palma'n cuantu a fabricación. Namás un datu: En España ellaboraronse aprox. al añu 70 millones de litros, de los cuales correspuenden-y a Asturies el 72,8% aprox. unos 51 millones. Al Pais Vascu el 21,4%. El 5,7% a Galicia y un pequeñisimu porcentaxe a Navarra y otres zones d'España. Fonte :(AESI)Asociación de fabricantes-ellaboraores de sidra. Bono,dempúes d'esta introducción direvos que la "sagardoa" ,la sidra vasca, ye mas dulce que la nuesa y que se consume casi na so totalidá na rexión d'orixen .Les zones produtores d'esta sidra tan situaes en zones de Guipuzcoa comu: Igeldo,Martutene,Astigarraga (la mas conociá) y n'otres comu Perurena,Renteria,Usurbil, y en dalgún de los barrios d'Oiartzun o. Dempués de Navidaes les sidreries destranquen pa degustar les "Kupeles",a esto llamase el "Probaketa". O sea, prebar la sidra del añu y acetala pa la so venta.Al glayiu de: ¡Txotx! averense toos a la kupela y degusten la sidra, pa lluéu torniar a los sos sitios y seguir xintando fasta el nueu glayiu de ¡Txotx!... Antañu la sidra prebada yera marcá pa lluéu mercala pero agora esto ya ye mui raru. Decataivos que nestes zones llamense sidreries (sagardotegia), los llugares onde ,ellaborase, prebase y consumese la sidra. En zones de Vizcaya la ellaboración y el consumu baxó por mor de la introducción de los vinos claretes de La Rioxa, siendo la so producción artesanal y de consumu llocal. Anguañu remanez el consumu de sidra. (Dalgún que otru festival) Equi teneis un llistau de todes les sidreries guipuzcoanes y el cartelo de la temporada sidrera: ARGIA.COM En Galicia la producción ye minima de sidra natural y solu produzse concentraó de mazana. Les zones del mundu sidreres per escelencia son les zones atlantiques comu : Francia , Inglaterra, Belxica, Irlanda..... ¿Zones celtes? En Francia produzse y consúmese sidra nes zones de Bretaña y Normandia comu les mas importantes (tampocu los franceses ponense d'acuerdu sobre quien-yos apurrió la sidra: si vascos o asturianos). http://www.cidre-bellot.com/cidre/Cidre.htmEcha-y un gueyu a esti produtor en Francia N'Inglaterra la sidra de barril compite cona cerveza y ye'l pais que mas llitros de sidra consume de tol mundu. Llease sidra industrial (xampaná ,de barril y embotellá) http://www.bulmer.com/bulmer/max.htmlEcha-y un gueyu a una sidra Britanica "Cider Surfer" N'Irlanda esiste una sidra que llamen "Jhonny jump up" "Jhonny salta pelos aires" ¿Comu será de fuerte? N'Alemania la zona de Renania tambien fabricase sidra, asina comu'n Suiza,Austria y Belxica. E.E.U.U. ye'l que domina nos precios del mercáu y ye un gran consumior, (claro, estos yanquis son cientu y la má) :-)),faciéndose sidra abondo fasta de sabores, alli a la nuesa sidra llamenla hard-cider :-)) http://www.teleport.com/~incider/Cider Space.Diz que ye la nuesa sidra la que mas-y presta!!!.Fala abondo de les sidres alredior del mundu. http://www.woodchuck.com/Woodchuck Draft Cider. Estos nun saben de la nuesa sidra (¡¡¡Contai-lo!!!) Argentina ye el mayor produtor de concentráu de mazana nel mundu, y fabrica varies marques de sidra xampaná una d'elles "El Gaiteru" cona licencia de la marca de Villaviciosa. En Mexicu,Cuba, Chile tamien produzse y bebese sidra. Y ya pa acabar cuentase qu'unos montañeros nel Nepal bebieron una sidra que tamien taba mui rico. Y ye qu'hai sidra en tolos llaos del mundu. Pero nenguna ye como la nuesa eh? :-)) ¿Qué ye escanciar?, ¿Pa que se escancia?,¿Porqué se tira lo caberu'l vasu?, ¿Comu se merca la sidra nel chigre y la sidreria?, ¿Comu hai que bebela? Son estes y otres entruges que, magar que munchos tamos pensando:"estes entruges tan de sobra equi, esto sabelo tol mundu".Munches persones faense estes entruges y nun saben dai contestación.Equi tan les respuestes: Lo primeru y ppal. ye saber que ye una botella sidra. Nun confundir nunca sidra natural con sidra axampanao, si bien esta cabera tien muncha fama fuera de les nueses llendes, nun ye la qu'equi tamos tratando.La sidra axampanao nun se escancia:-)), bebese reposá comu'l cava o el xampan. Esta ye una botella sidra natural: Semeya cortesia de SIDRA FANJUL-TIÑANA ¿Comu se merca la sidra nel chigre y la sidreria? La sidra n'asturies vendese por botelles,(en otros llugares y otres sidres vendenla asina o por vasos por ex. el Pais Vascu). Les botelles suelen consumise, xunto cola riestra productos gastronomicos rellacionaos, nes sidreries (establecimientos hosteleros espresamente dedicaos al consumu sidra,sicasí anguañu venden tou tipu bebides) o nos chigres (que tan dedicaos a tou tipu bebides y tienen sidra tamien),Antañu nos llagares espichaben los toneles y consumiase sidra, prebabase tal o cual pipa o tonel y mercabanse (x) botelles de esti/a o aquel/lla.Anguañu son pocos los llagares que faen espiches publiques, magar que dalgun entá sigue faciendolo.anque la mayoria tienen sidreries que ena mayoria de casos comparten llugar y llocal col propiu llagar,onde podemos consumir sidra y xintar comu nes espiches d'antañu. La sidra (les botelles) mercase en supermercaos,tiendes y raramente nos llagares (aú la faen), Esti ye un problema pa vender la sidra fuera d'Asturies y el so entornu,ya que la xente nun ta acostumbrá a mercala y bebela d'esti modu, asina que tan faciendose estudios socioloxicos, pa ver el futuru la bebida fuera les llendes asturianes.La cosa ta por decidise entre esportar sidra con sidreria (cultura sidrera), o esportar la bebida camudando les maneres de bebela.¿?. ¿Pa que se escancia? Anque la manera d'escanciar desplicola mas alantre, el porque del escanciau ye pa que'l oxixenu del aire se ameste col carbonicu qu'esta,la sidra, tien y asina les propiedaes organoleptiques,esto ye, el tastu,la golor y demas,adquieren mas significancia.Un pocu de aguya, ye lo que la sidra cueye cuandu se escancia. ¿Comu hai que bebela? Tamos acostrumbraos a gueyar que'l culete bebese casi d'un tragu ensin respirar siquiere. Esto magar que razón nun-y falta, tampocu ye pa tantu.La sidra si tien que bebese rapidu.por mor de lo que desplicamos del espalme y el escanciáu; si dexamos pasar munchu tiempu dende esti fasta bebela tornara a perder l'aguya conseguia col mesmu. ¿Porqué se tira lo caberu'l vasu? Lo caberu'l vasu tirabase,tirase por razones, nun de indole Folklorica,sino por razones hixieniques: al beber toos pol mesmu vasu dexabase un filin de lliquido que'l bebedor tenia que tirar pola parte na que bebia, pa, asina, llimpialu pal siguiente bebedor. Ye esta una parte de la cultura de la sidra, bebiendo pol mesmu vasu,toos volvemonos iguales,esto llamanos a falar, a acompangar col collaciu, a la folixia, y too lo que ocurre nes sidreries, esi ambientin que rodea la sidra y que ye tan allegre. Si bien anguañu contina faciendose esto, en munches sidreries ya ponen un vasu por bebedor si estos-y lo piden cosa que rares vegaes sucede conos asturianos.... ¿Qué ye escanciar? Agora que ya sabes todes estes premises de la sidra desplicote comu debe escanciase la sidra,que n'Asturies facemos d'ello toó un arte, pa tastiar mas,si ye posible'l sabor de la nuesa sidra. L'asturianu supo y sabe que la sidra necesita airease enantes de ser consumia y por ello'l vertela dende'l altu ye una necesidá, mas que daqué meramente esteticu. Si bien antañu l'altor nun yera tanta por mor del tamañu mas reducíu de los vasos, anguañu, conos vasos de sidra que son de vidriu finu, altor d'unos 12cm.,con 9cm. de brocal y 7cm. de culu, l'altor d'escanciaú medro fasta el ñivel qu'agora gueyamos, per enrriba la cabeza l'escanciaor.Gueya-y a Pinon el personax del illustre debuxante Alfonsu a la mandrecha. Constantino Ovin, ye'el echaor oficial de la sidra de Nava y da-nos el decalogu pa saber escanciar comu ye debío: 1º La postura debe ser recta ensin ser rixida. 2º El brazu que sostien la botella,estiráu por enrriba la tiesta. 3º El brazu que sostien el vasu,estirau facia abaxo y al centru'l cuerpo. 4º La botella una vegá incliná pa echar el culete,coyia conos deos indi´z,corazón y anular pola parte'l cuerpu y col meñique pol culu. 5º Los deos que pañan la botella nun deben rebasar ésta en direición al bocal. 6º El vasu cueyese conos deos pulgar e indíz col coral nel culu'l vasu y l'anular y el meñique recoyios sobre la palma la mano. 7º El vasu nun se debe mover del centru'l cuerpu,lo que quier dicir que la sidra ye la que debe atopar el vasu. 8º El corchu pue cueyese conos deos anular y meñique de la mano encargá de caltener el vasu. 9º Al servir el vasu sidra si se retira'l deu pulgar del vasu facillitase la recoyia del mesmu. 10º L'escanciaor siempre debe procurar que la sidra espalme. Marinu Bustu describe l'escanciau asina: Tomase'l vasu cona manzorga apoyando'l culu del mesmu na palma;el brazu espurríu escontra abaxu y facia delantre.La botella pañase cona otra mano pel cuerpu la mesma y llevantase'l brazu lo mas posible per enrriba la cabeza dexando cayer con arte y pericia'l chorru lliquidu firme y rectu sobre'l vasu cudiando que caiga precisamente nel borde o corte,non sobre'l lliquidu qu'haya nel fondu ,pa que al españar contra l'arista del vidriu,la sidra espalme y espanda faciendu nel fondu una estrella burbuxeante. Y d'Anton el Chiova: Cueye un botella,llevantala al cielu i na otra manu baxa'l vasu al suelu; un filin de sidra'n el cristal s'azota i anque de tan altu,non pierde una gota Delles persones recomienden praticar con botelles enllenes d'agua asina que ya sabeis si nun quereis gastar los cuartos en sidra desperdiciá cueye un vasu, cueye una botella y al bañu casa.... :-))) Una prautica mui prestosa n'Asturies son los concursos d'escaciaores, onde estos esfuerciense por tirar, nel minimu tiempu la cantidá xusta de sidre, con arte, y postures qu'a vegaes, rozen lo equillibrista. Espeta equi si quies enterate onde se celebren estos concursos: SIDRICILINA Equi ta la referencia del muséu la sidre d'Asturies en Nava, la capital de la sidre Asturiana. La información recoxiá nél (el folletu que tienen pa date) nun ye muncha, asina que voi davos nesta paxina una breve descripción del muséu dacuandu yo lu visité. Amas apurrote los horarios y precios (na fecha) y la información que vien nel folletu oficial. El Muséu la sidre d'Asturies ta na villa de Nava a 30 Km. de Uviéu. L'oxetivu del Muséu ye afondar na conociencia de la bebida que ye una seña d'identidá d'Asturies ,y afalar el so consumu. El Muséu la sidre ta bien lloñe de ser un Muséu tradicional, onde nun se fai otra cosa qu'amirar una riestra pieces concasaes por temes o tipoloxies. Polo contrariu,la participación de la xente ye l'exe central de la visita al Muséu. D'esti mou y manera,pretendemos tresmitir tola información sobre la sidre (producción,consumu,hestoria) al traves d'un sistema expositivu qu'enxerta al visitante nel ambiente y acoricalu nél. A mou de filu conductor y al entamar la visita,el visitante dispon d'un enxeníu onde puede ver,solo con mete-y una mazana tolos trabayos y xeres que se faen nun llagar alo llargo l'añu. Horariu y precios La mi visita 3-Mayu-1997 En primer llugar entrarase na sala que ye una reproducción d'un llagar-chigre ú pué consumise sidra NAVETO , el dí que yo tuve tenien Vda. d'Angelon. (dafechu perfecha). Creo que van rotando les sidres nesti chigre. (Nun pague yo, asina que nun se'l preciu) Nun mos podimos resistir a la llamá de la sidra y bebimos enantes de entrar... :-)) Nesti chigre ye aú ta la taquilla asina comu la tienda alcuerdos: espetos (merque ún),camisetes,llibros(equi eche'n falta dalgún sobre la sidre,que sorprendentemente nun tenien ningun), C.D.'s de musica n'Asturianu,etc.... Hai equi tamien un cacharru-artiluxiu que por unes perrines escanciate un culin.(Curiosu) Dempúes de paga-yos 400 ptes. entres nel museu propiamente dichu, una salona que contien unes maseres,duernos,mazanes,prenses,pipes, toneles,corchaores,rellenaores,y demas artiluxios de la sidre, -les prenses son impresionantes-, equi ta la maquinuca que por mediu d'unes palanques va activando un mecanismu que cueye una mazana y va mayandola, prensandola,sacando-y el zumu, asina fasta convertila en sidra , pa, al final embotellala y corchala. Ente esti procesu (el del artiluxiu) gueyamos unes pantalles onde muestren-nos el procesu guei de la ellaboración de la sidra.. De equi pasamos n'otra sala onde una "pantallona" muestranos la sidre nel pasau,presente y futuru (hai un montaxe videugraficu de xente bebiendo culinos en Llondres,Paris,N.Y.,etc :-)) Otra sala muestranos perfechamete un chigre, ta mui llograu,con cantarinos, xente espichando,etc...Lo dicho, mui llograu. D'equi damos pasu a una sala onde vemos folixies con sidra,espiches,etc, y onde ta la bolera virtual: Poneste un guante y a tirar el bolu, con glayios y esclamaciones propies d'esti xuegu. (No,nun tiré ,esi dí habia una riestra xente...).Un guaxe que tiró tando yo tiró'l bolu al techu la bolera asina que nun debe ser ná cenciello:-)) N'otra sala al llau d'esta, alcontramos un apartau dedicaú a les otres sidres,-- gueya-y les mis paxines:-))--, tiene una mui bona riestra d'etiquetes de toles sidres que faense o ficieronse alredior del mundu. Y pa finar subimos al primer pisu, onde vemos la hestoria la sidre, asina comu dellos documentos (pagares,pedios,cartes,etc).Gueyamos cuadros,comics, debuxos, caricatures-prestosos los d'Alfonso-. Pa finar la musica na sidra, cantarinos del chigre y demas que eleximos d'ente varios por mediu d'un teclau y escuchamos-los nunos cascos. Na saliá (nel chigre) pues facer etiquetes pa botelles de sidra personalizaes,el to nome, la to ciudá,etc... El dí de la mio visita tuve la oportunidá de falar col responsable del mismu y comentóme'l proyeutu que tienen pa poner información oficial na rede. Tar a la chisba nestes paxines que vos informaremos Horariu - Iviernu Martes a Vienres 11,00 H - 14,00 H 16,00 H - 19,00 H Sabadu 11,00 H - 15,00 H 16,30 H - 20,00 H Domingu 11,00 H - 14,00 H Llunes Pesllao-Piechao Horariu - Branu (Del 15 de Xunu al 15 de Setiembre) Martes a Sabadu 12,00 H - 14,00 H 16,00 H - 20,00 H Domingu 12,00 H - 14,00 H 18,00 H - 21,00 H Llunes Pesllao-Piechao Precios: 200 ptes. de 6 a 16 años y 400 ptes. Adultos Afayaivos a Sidiriclina!!! Nestes paxines quiero facer llegar a too'l mundíu, les caberes coses, que relacionaes cola sidre asturiano, lleguen a les mis manes. Festivales y folixies mas importantes n'Asturies, aneudotes, cancios, poesia y pintura, gastronomia y tolo que se mos ocurra. N'esta Web damos-nos cunta de que la sidra, n'Asturies ta ,de xuru, xunia al desarrollu cultural y economicu d'esti, el nuesu pais.... Esta bebida ye tan d'Asturies comu son los sos cumales, la so costa, les sus xentes, el so idioma, les sus fiestes.... y tan natural como el so "eslogan". Entamo a que la sidra asturiano sea conocía, comu non, polos propios asturianos, y tambien por tola xente que quiera saber daqué mas d'esti produto. N'ASTURIES BEBE-Y SIDRA. Nel menu a manzorga ta la riestra paxines que podeis ver dende equi y nel d'enrriba pues navegar per toles paxines de la Web del Mundíu sidreru.