TEDIUM VITAE


Duégome de mi mesmu esta mañana,
duelme lo que nunfice col destinu,
duelme tar a la vera del caminu
y sentíme vencíu de desgana.
Nun me tienta la moza na quintana,
solu quiero vivir sin empecinu,
dexéme amortecer debaxu un pinu,
déxame apigazar ena antoxana.
Duelme y nun sé qué ye lo que me pasa,
mírome dientro y toi amortecíu,
miro enredor de mí y todo calla.
Toi fartu de combayar la humana basa
p'alcontrar al final solu'l vaciu
y un agudu dolor ena vidaya.


Alvarez-Builla (-)